عربيتى لانوس2
اشتريتها عمله 67000 كيلو والان عمله 84000 كيلو
مش عارف اذا كان المالك السابق غير طلمبة المياه
فما اعراض تلف الطلمبة
ولا اغيرها برجاء شرح كيفية تغيير طلمبة المياه و قطع الغيار المطلوبة و الاسعار
قبل كل شيء اشكركم
عرض للطباعة
عربيتى لانوس2
اشتريتها عمله 67000 كيلو والان عمله 84000 كيلو
مش عارف اذا كان المالك السابق غير طلمبة المياه
فما اعراض تلف الطلمبة
ولا اغيرها برجاء شرح كيفية تغيير طلمبة المياه و قطع الغيار المطلوبة و الاسعار
قبل كل شيء اشكركم
وانت عايز تغيرها ليه
انت شاكك في حاجه ؟
طالما دوره الميه شغاله كويس ومؤشر الحراره في مكانه والمراوح بتدور وتفصل
يبقي شغاله ... بتحرجم علي الازيه ليه... ربنا يكفيك شر الميكانيكيه وبتوع الردياتيرات
شوف لك حاجه تانيه اشغل روحك بيها ..
تحباتي
..
الراجل دة جابللك المفيد بس بطريقة كوميدية ههههههههههاقتباس:
المشاركة الأصلية كتبت بواسطة kagawa
اقتباس:
المشاركة الأصلية كتبت بواسطة el_cas2002
بص انا هقولك تجريبتى لانى معرفش الاجابه اوى يعنى
انا من فتره كده كنت رايح اعمل حاجات فى العربيه و الميكانيكى واقف قالى ده فيه صوت غريب راح جايب خشبه كده و حطها على الطرمبه و حط طرفها التانى على ودنه لقى صوت كركبه
فقالى كده الطرمبه بايظه و لازم تتغير لانها لو متغيرتش هتبهدل الدنيا
و كنت قريت هنا ان لما العربيه تعمل 100 الف تتغير و تكشف عليها على 80
روح بس لميكانيكى ثقه يكشفلك عليها علشان تتطمن و خصوصا لو بتحط مايه حنفيه
اقتباس:
المشاركة الأصلية كتبت بواسطة Optiplex
ربنا يبارك فيك ...انت اللي كلك زوق
بس يعني ايه optiplex
تحياتي
اقتباس:
المشاركة الأصلية كتبت بواسطة kagawa
ههههههههههههههههه
رد جامد فى ناس من كتر خوفها على العربيه بيبقى عندها وسواس
تحياتى ليك
.......................................اقتباس:
المشاركة الأصلية كتبت بواسطة mostafa mahmod
........................................
لقد خالفت القاعدة رقم 12 من قواعد المنتدى بسخريتك الدائمه للاعضاء
لذا يستوجب ايقافك لمدة اسبوع
يرجى مراجعة قواعد المنتدى
م ع 6
:new:والله ما بحرجم على حاجه:new:اقتباس:
المشاركة الأصلية كتبت بواسطة kagawa
:B4_556:انا الميه الخضراء بتنقص كل فترة :B4_556:
:wink:و اعرف ان مفروض تغيير الطلمبة على 80000:wink:
:7_9_6v[2]:اما بخصوص اشغل نفسى بحاجه:7_9_6v[2]:
:36_1_37[1]:ما انا اهو بشغل نفسى بالتعلم منكم :36_1_37[1]:
لو على نقصان الميه اتأكد تن وصلات دورة المياه والقربه والرداتير سليمه واعتقد اى عربية بتحتاج تزويد ميه كل شهر مثلا
Sent from my Samsung Galaxy SII using Forum Runner
مع احترامي لجميع مشاركات الاعضاء :-)
و لكن فيه قطع بتتغير بالكيلومتر و فيه قطع بتتغير بالفتره .... ايهما يأتي اولا .... جدول صيانه اللانوس بيوضح الكلام ده .
و فيه قطع مهم انك تغييرها قبل ما تعمل ضرر اكبر ....بمبدأ الوقايه خير من العلاج ...
طرمبه الميه المفروض تتغير كل تغييرتين سير كاتينه ...و سير الكاتينه بيتغير علي 40000 كم ....يعني الطرمبه تتغير كل 80000 كم ( مصدر المعلومه أ/محمد ممدوح - ربنا يفك كربه .... و لكن لو بمبدأ ( شغاله تغيرها ليه ) .... يبقي بنغير ليه سير الكاتينه كل 40000 كم ؟.... عشان لو قطع بيبهدل الدنيا ده غير العطله و متعرفش حيقطع امتي و لا فين .... كذلك طرمبه الميه .... لو قفشت بتبهدل الدنيا بردو و ضررها بيكون كبير . (
انا بتعامل مع التوكيل لان عربيتي موديل 2011 ... و سألتهم علي طرمبه الميه لقيتهم بيغيروها مع كل تغيير سير كاتينه يعني كل 40000 كم .... بس انا شايف كده بدري شويه .
+1اقتباس:
المشاركة الأصلية كتبت بواسطة mero100
مش عارف ارد على حضرتك و اقول ايه :U_thin1[1]:اقتباس:
المشاركة الأصلية كتبت بواسطة kagawa
متهيالى لو كنت كتبت لصاحب الموضوع انت عربيتك زى الفل ولا تكشف ولا حاجه كان بقى احسن صح ؟؟؟ بكده يبقى استفاد و ييجى ساعتها يقول يا ريتنى ما سمعت كلامهم
عموما ربنا يكتبلنا جميعا الخير و يكفينا شرها
الله يكرم اصللك موضوع optiplex دة نوع من انواع الكمبيوتر الديل كنت بدور على اسم مميز ادخل بية مش يعارضنى فاختارتة بس مش اكتراقتباس:
المشاركة الأصلية كتبت بواسطة kagawa
انا عربيتي معايا من 97 ولسه مغير طرمبه الميه وطبعا غيرت معاها ترموستات الكوع وفيبره الرادياتير وشويه خراطيم وكام كوليه وعملت غسيل لدوره الميه - اشتريت الطرمبه كوري من الشرقاوي ب80جنيه والترموستات ب25جنيه والكوعه والخراطيم والكوليهات والغسيل 130بالمصنعيه
وانا فاكك عشان اغير الطرمبه غيرت سير الكاتينه بالمره واحنا فاكين والحمد لله - انا عربيتي كوري ماعرفش في المصري ليها نفس العمر الافتراضي ولا لا
نسيت اقولك ان عربيتي عامله 145 الف كيلو يعني انا كده غيرت الطرمبه علي العداد ده
لو عايز تعرف هي شغاله ولا لا افتح قربه مياه الرادياتير وشوف الميه بتتقلب جواها وانت مدور ولا لا
برجاء تحديد الاعراض لبدء تلف طلمبة المياه
كما اشكر تفاعلكم مع الموضوع
سبب طرح الموضوع هو الحرص على اجراء الصيانات الضرورية فى مواعيدها
للوقاية حيث ان الايام التى نعيشها لاتتحمل تعطل السيارة فى مكان غير مناسب
انا عندى طرمبة الميه عايزة تتغير من شهر بس مكسل لأن صوتها بقى عالى تحس ان فى صوت وش او صدا صوت إنما قبل كدته مكنش ليها غير بسيط اووى بس ماشية معايا ودورة الميه كويسة
طرمبة المياة بتتغير كل 80 الف كيلو مع صيانة الكاتينة و السيور
الكلام ده علي مسؤلية محمد عبده الميكانيكي و من تجارب الاعضاء هنا و خبراتهم
طيب خطورتها ؟
ببساطة كده الطرمبة لو قفشت تأثيرها هيكون نفس تأثير كسر شداد الكاتينة مثلا !!!!
لان الكاتينة اساسا احد اهم تروسها هو ترس طرمبة المياة فبالتالي المخاطرة بعدم تغيرها هي مغامرة كبيرة
طيب ايه اللي بيتغير بالظبط ؟
هتغير كاتينة و سير تكييف و بكرة شداد تكييف و سير دينامو و طرمبة مياة و (ثرموستات كوعة و كوعة مياة احتياطي ليس إلا و لو مش عايز تغيرهم انت حر بس هم رخاص اوي و ممكن يخلوك تفك تاني لو قفشت) و بوجيهات و سلوك بوجيهات و فلتر بنزين و فلتر هواء و طبعا فلتر زيت مع كل تغييرة زيت ده افضل ليك و لموتورك و اساسا لما سألت في التوكيل عرفت ان الفلتر ابو 20 جنية ده صلاحيته 5 تلاف كيلو فقط !!!
و يفضل تغيير زيت الفتيس و لو هتغيره لازم تبقي واخد معاك جوان كارتيرة زيت فتيس علشان اللانوس زيت الفتيس بتاعها بيتغير بفك الكارتيرة كلها (راجع قسم اهم المواضيع هيفيدك)
اتمني اكون افدتك و تحت امرك في اي استفسار
والله اعلي و اعلم
طلبه المية بتغيير كل ٢ تغييرة للكاتينة يعنى كل ٨٠٠٠٠ كم للوقاية. أما أعراض تلفها حاجتين. أولا سماع صوتها و الموتور شغال. ثانيا المية تنقص في القربة
انا معايه لانوس 2006 من الزيرو ومغيرتش طرمبة المياة قبل كده خالص و حاليا العربيه ماشيه 250000 تقريبا
الوقايه خير من العلاج